Күллі әлемде коронавирус өршіген тұста қызметін шектеуге мәжбүр орындардың жабылуының алдын алу үшін 17 өаңтардан бастап елімізде Ashyq» пилоттық жобасы іске қосылды. Бұл жобаның тиімділігі сол шектеуді ішінара алып тастауға балама ретінде қолданылады.
Аталмыш қосымшаның басты пайдасы – қауіпсіздік. Қазіргі таңда, кез келген ауру белгілері бар не белгілері жоқ формада COVID-19 індетімен ауырғандар үй карантинін сақтауға міндеттелген. Алайда өзін-өзі оқшалау режимін сақтамай, ауырған, науқас адаммен байланыста болған адамдар қоғамдық орындарға бару жайттары орын алып отыр. Солай вирустың таралуына себепші болады. Ал «Ашық» қосымшасы осындай келушілерді анықтайды. Әрі басқа келушілердің қауіпсіздігін сақтауға көмектеседі. Бүгінде QR-кодтарды қолдану практикасы Оңтүстік-Шығыс Азия елдері – Гонконг, Сингапур, Малайзияда кең тараған.
«Ashyq» мобильді қосымшасы QR-кодты қолдану мен Денсаулық сақтау министрлігінің базасымен интеграция арқылы келушінің вирус жұқтырғаны не жұқтырмағанын анықтауға болады.
