Елбасы Нұрсұлтан Назарбаевтың бастауымен 2010 жылы Қазақстанда тұңғыш рет үдемелі индустриалды-инновациялық даму бағдарламасы қабылдаған болатын. Аталмыш бағдарламаның алғашқы кезеңі 2014 жылға дейінгі аралықты қамтып, 2015-2019 жылдарға арналған кезең іске асырылған еді. Бүгінде, 2020-2025 жылдарға арналған үшінші кезең тиімді түрде жүзеге асырылуда.
Осы негізде, Үшінші мегаполисте де бағдарлама аясында жаңа кәсіпорындар құрылды.
Шымкент қалалық кәсіпкерлік және индустриалды-инновациялық даму басқармасының басшысы Береке ДҮЙСЕБЕКОВТІҢ мәліметінше, ҮИИД-тің бірінші бесжылдығында шаһарда 89 млрд. теңгеге 63 кәсіпорын бой көтерді, соның нәтижесінде 5 мыңнан астам жаңа жұмыс орындары құрылды. Екінші бесжылдықта 97,4 млрд. теңгеге 41 жоба қолдау тапты. Соның арқасында 2,5 мыңға жуық адам тұрақты жұмысқа орналасты.
2020-2021 жылдар кезеңінде 414,3 млрд. теңгеге 90 жоба қолға алынды. 7,5 мыңнан астам жаңа жұмыс орны ашылды. Өткен жылы 21 жобаны жүзеге асыруға 37,5 млрд. теңге жұмсалыпты. Бір мыңдай адам өздеріне тұрақты жұмыс тапқан.
