«Бизнестің жол картасы – 2025» мемлекеттік бағдарламасы ел экономикасының шикізаттық емес секторларындағы өңірлік кәсіпкерліктің тұрақты дамуында маңызды рөл атқарып келеді. Ол теңгерімнің өсуін қамтамасыз етіп, бар жұмыс орындарын сақтау және тұрақты жұмыс істейтін жаңа жұмыс орындарын құру бойынша тиімді қызмет атқаруда.
Бүгінде бұл жоба Шымкент қаласында да өз жұмысының маңыздылығын көрсетуде. Аталмыш жобаның негізінде Шымкент қаласында байқау өткізіліп, 4 кәсіпкер 5 миллион теңгеден ұтып алды.
Жалпы, «Бизнестің жол картасы – 2025» мемлекеттік бағдарламасы аясында қоғамның осал топтағы азаматтары инновациялық жобаларымен 2-5 миллион теңгеге дейін грант ұтып алуға мүмкіндік беретін байқауға қатыса алады. Осыған орай, 5 - 19 сәуірі аралығында қаламыздағы «Заңғар» бизнес орталығында үміткерлерден құжаттар қабылданды. Оның жалпы саны 212-ге жетті. Алайда құжаттардың толық болмауына байланысты көбісі иелеріне толықтыруға кері қайтарылды. Оның ішінде 9 кәсіпкер құжаттарын толықтырып, түзетіп қайта тапсырды. 28 сәуірде 13 адамнан құралған конкурстық комиссияның отырысы ұйымдастырылды. 29-30 сәуір мен 4 мамыр аралығында комиссияның қарауына ұсынылған 183 кәсіпкер өз жобаларын қорғады,
