Эпидемиологиялық ахуал матрицасы бойынша Түркістан облысы «жасыл» аймаққа өтті. Мұнда соңғы тәулікте КВИ-дің 108 жағдайы анықталды. Тәуліктік өсім 0.89% құрайды. Бүгінде инфекциялық стационарларда 3600 орын бар, 1678 төсек орын бос.
Қазір коронавирустық инфекциямен 211 науқас ем қабылдап жатыр. Пандемия басталғалы індеттің 11 676 жағдайы тіркелді. Оның 6674-де симптом байқалмаған.
Жалпы екпе науқаны басталғалы өңірге 683 960 доза вакцина жеткізілді. Қазір бірінші компонентпен 679 405 адам вакцина салдырды. Ал екінші құрамды 503 329 адам қабылдады.
Сондай-ақ, аймақта азаматтарды коронавирустық инфекцияға қарсы вакцинациялау бойынша ақпараттық арнайы медиа жоспар әзірленген. Осыған байланысты бүгінге дейін 41 460 (плакат) ақпараттық материал дайындалған, 93 000 парақша таратылды. Одан бөлек, телеарналар және әлеуметтік желілер арқылы 207 бейнеролик пен сюжет көрсетіліп, 122 баспада мақалалар жарияланды.
Бұл бағыттағы жұмыстар алдағы уақытта да өз жалғасын таппақ. Сіщзде екпе алыңыз. Себебі, індеттен қорғанатын баста жол, ол екпе салдыру.
Айта кетейік, пандемия басталғалы 9 891 науқас індеттен толық айыққан. Жалпы 944 114 ПТР сынамасы алынған. Ал, соңғы тәулікте зертханаларда 2075 адам тексеруден өткен.
