Кентау қаласында халықты тұрғын үймен қамту мақсатында көптеген жұмыстар жүзеге асып жатыр. Мәселен, биыл 600-ге жуық отбасы баспаналы болды. Қазір тағы 5 көп қабатты 60 пәтерлі үйдің құрылысы басталды. Алдағы уақытта тағы 10 көп қабатты үй салынады деп жоспарланып отыр. Жалпы бұл жұмыстар кезең-кезеңімен жүргізіледі. Сондай-ақ, қалада ауысымына 500 келушіні қабылдайтын жаңа емхана бой көтерді. Мұнда емханамен бірге «Жедел жәрдем» стансасы орналасты. Қалалық орталық аурухана бүгінгі таңда толықтай күрделі жөндеу жұмыстарынан өтуде. Жыл соңына дейін аяқталып, ел игілігі қызмет етуге кірісетін болады.
Жастар жылына орай «Жастар» саябағы жаңаша кейіпке енді. Мұнда теннис корты, баскетбол, волейбол, футбол алаңшалары орналасып, веложол салынды.
Қаладағы аллеялар мен орталық алаң абаттандырылып, субұрқақтарын іске қосылды. Көріктендіру мақсатында сағат стелласы ашылды. Ал, Елбасының «Рухани жаңғыру» бағдарламасының аясында ел көлемінде алғашқылардың бірі болып Абайдың ескерткіші орнатылды. Бүгінде қалада және қалаға қарасты ауылдарды инфрақұрылым жүйесін жүргізу ісі жоспарға сай жүргізіліп келеді.
Тағы бір атап кететін жайт, қазіргі таңда «Глубокий» суағар төкпесінен «Қосқорған» су қоймасына дейінгі су арнасын қайта жаңғырту жұмыстары жүргізіліп жатыр.
