Шымкент қаласы әкімінің тұрғындарға қолайлы ортаны қалыптастыру бойынша тапсырма берген болатын. Шаһар басшысының тапсырмасына сәйкес, қалада ауқымды істер атқарылуда. Айталық шағын аудандардың аулалары абаттандырылып, балалар оцын алаңшасы, спорт алаңшалары салынуда.
Мұндай тындырымды тірліктер Әл-Фараби ауданында да көзге түсуде. Мамандардың мәліметінше биыл Әл-Фараби ауданындағы аулалар абаттандырылып, бірқатар демалыс, балалардың ойын алаңы мен спорт алаңдары пайдалануға берілді.
Ел игілігіне берілген алаңдар Отырар шағын ауданындағы №11, 12, 13, 38 көпқабатты үй мен Әбдіразақов көшесіндегі №3, 9, 1, 2,15 үй, Байтұрсынов көшесіндегі №10, Жангелдин көшесіндегі № 8, 8А үй, және Қабанбай батыр көшесіндегі 11А мен 11Б үй ауласында орналасқан.
Құрылыс жұмысы аяқталған аулаларға балалар алаңшалары, демалуға арналған бастырма (беседка), орындықтар, қоқыс жәшіктері және ойын элементтері орнатылған. Сонымен қатар, алаңшалардағы ойын құрылғының барлығы Шымкент қаласында өндірілген.
Қалада ашылған жаңа демалыс орны тұрғындарға серуендеуге және дене шынықтырумен айналысуға мүмкіндік береді. Балалар алаңдары, ересектерге арналған демалыс орындары да қарастырылған.
Осы жылдың тамыз айында басталған абаттандыру жұмысын «Indigo Print» мердігер мекемесі жүргізді. Айта кетсек, жыл соңына дейін ауданда тағы 18 аула абаттанып, пайдалануға беріледі дейді салаға жауапты мамандар.
