Ордабасыда мал шаруашылығы үздіксіз даму үстінде. Оған мемлекеттік бағдарламалар барынша оң ықпыл етуде. Ауылшаруашылығы басқармасы мамандарының мәліметінше, бүгінде ішкі сұранысты өніммен қамтамасыз етуге мүмкіндік молайған. Ендігі бір басты мақсат - экспорттық әлеуетті арттыру. Ол үшін асыл тұқымды мал басын көбейтіп, сапалы өнім дайындау сынды салмақты міндеттерді орындау керек. Сонда көздегенге қол жетпек.
Биыл ауданда ауылшаруашылығы саласында 43 млрд 931 млн. теңгенің ауылшаруашылығы өнімі өндірілді. Оның ішінде, 22 млрд. 860 млн. теңгені құраса, егін шаруашылығы 21 млрд.009 млн. теңгені құрады.
Бүгінде кәсіпкерлікті мемлекеттік қолдау аясында қаржылық құралдардың сан алуан түрі ұсынылған. Олар: гранттық, жеңілдікті қаржыландыру, субсидиялар, несиеге кепілдік беру тәрізді тиімді тетіктер. Енді экспорттық әлеуетті арттыру басты назарда. Сол үшін өңірде мал бордақылайтын алаңдар салу, ет, сүт өндейтін цехтар салу қолға алынбақ.
