Қазақстанда «100 жаңа есім» жобасы жалғасуда. Жалпы бұл санатқа кіруге кімдер лайықты, қандай қабілет-қарымымен дараланатыны айтылды, деп хабарлайды OINET.KZ сайтының тілшісі 24.kz сайтына сілтеме жасап.
«100 жаңа есімге» енген журналист Махаббат Есен осы сұрақтар төңірегінде ойымен бөлісті. Алматыдағы Назарбаев зияткерлік мектебінінң оқушыларымен кездесіп, шеберлік дәрісін өткізді. Журналистің айтуынша жастар өмірде белгілі бір жетістіктерге жеткен, әр күнін жеңіске жетелейтін істерге арнайтын, өнерлі, жеті қырлы, бір сырлы адамдарды үлгі тұту керек. Қазір өзі «Бюро 100» жобасына жетекшілік етеді. Ұйым мақсаты елімізде ерекше қабілеті бар еңбексүйгіш жандарды табу.
«Жалпы алғанда 100 жаңа есім жобасы мен үшін өте қызықты және қоғамға зор пайдасын тигізеді деп ойлаймын. Себебі осындай жобаның арқасында біздің халқымыз ел ішіндегі мықтыларды біле алады. Және де халық арасындағы көшбасшыларды тани алады»,- оқушы Әли Стамбаев.
