Нұрсұлтан Назарбаев: «Менің аяғымнан шалды»

Картинки по запросу нұрсұлтан назарбаевНұрсұлтан Әбішұлы Назарбаев әділетсіздік дәмін тартқан кезін еске алды, деп хабарлайды OINET.KZ сайтының тілшісі sputniknews.kz сайтына сілтеме жасап.

"Бұл медаль иегерлері де емтихан тапсыратын 58 жыл еді. Мен сол кезде алғаш рет тамыр-таныстықпен бетпе-бет келдім, институтта. Алматыда ешқандай танысымыз болмады. Әкемнің менің ұлым оқуға түсіп жатыр еді деп айтатын ешкімі жоқ еді. Қолынан келген жалғыз мүмкіндік – қашырын сатты. 2300 рубль болды, осы ақшаны берді де: "Бар, оқы" деді. Мен конкурстан өте алмадым", - деп еске алды Елбасы.

Елбасының айтуынша, бұл оның өміріндегі алғашқы соққы болды. Бұған дейін үнемі жолы болып жүрген.

"Олай болады деп ойламадым, өйткені барлық пәнді жетік білдім. Басқа біреу өту үшін, тіпті мен оның кім екенін де білемін, менің аяғымнан шалды. Ол қандай да бір бастықтың баласы еді", - дейді ол.

Болашақ президент бастапқыда құжаттарын химия факультетіне тапсырыпты. Сол жерде алғашқы пәннен емтиханға кіргенінде-ақ бір химиктің көзіне түседі.

"Ол не оқытушы, не декан еді, есімде жоқ. Ол менің оқуға түсіп кетуімді қадағалады, өйткені химик болғалы жүр едім. Білімім терең екенін көрді. Ол маған қатты қынжылып тұрып: "сені осындай іс бойынша құлатады", - деді. Мен олай болуы мүмкін емес деп сенбедім. Содан сыртқа шығып, тізімді қарап, өзімді таппадым", - деп жалғастырды Елбасы.  

Жас талапкердің дәл сол жерде Киев азаматтық әуе флотының институтына қабылдау жүріп жатқаны жайлы хабарландыруды көзі шалып қалады.

"Құжаттарымды көрсетіп едім, бірден өздеріне тартты. Үйге қайтпасам болды. Әуежайға алып келді, сонда барлық медициналық тексерістен өттім. Денсаулығың жақсы деді. Киевке баруға өздері билет сатып алып берді", - дейді ол.  

Қоштасайын деп үйге келгенде, оның ұшқыш болатынын естіп, бүкіл ауыл жиналады.

"Анам көзіне жас алды. Бас тартпаймын деп едім: "сені қарғаймын" деді. Ананың қарғысын өтеу мүмкін емес. Солай тәрбиелендік қой. "Саған жерде жұмыс жетпей жатыр ма деп кейіді. Жібермеді. Бірақ мен Шамалғанда бәрібір қалмайтынымды айттым", - деді Елбасы.

Жарнама орны (6)

Мүмкін сізді қызықтыратын тақырыптар:

  • Технический надзор перепутали с авторским
  • Выявлено неправомерное применение норм интеллектуальной собственности
  • Жұмабек Кенжалиннің елжандылық мұраты ұлықталған шара
  • ҚaзҰУ әлeмдiк cтaндapттap дeңгeйiндe бiлiм бepетін оқу ордасы
  • ЖИТС-тің алдын-алу - басты мақсат