Екі баланың анасы атанып үлгерген әнші Жұлдыз Өмірғали өзінің жан сырымен бөлісті. Қазіргі таңда оның әкесі де, шешесі де Айқын екенін айтты, деп хабарлайды oinet.kz тілшісі Айта берсін бағдарламасына сілтеме жасап.
«Әкемді сағынамын. Кім сағынбайды әкесін. Әкенің орны бөлек болады. Бірақ Айқынның айтуы бойынша, «Қазір сенің әкең де, шешең де мен» деп. Сондықтан орнын ешкім баса алмайды. Бірақ алдап өмір сүруге болады өзіңді...», - дейді Жұлдыз Өмірғали.
Әкесінен 13 жаста айрылып қалған Жұлдыз қорғанының дүниеден қайтқаны туралы айтып берді.
«Свидетельство о смерти деген жерде «остоновка сердца». Мен ол кезде 13-те болдым. Мен онша ол кезде түсінген де жоқпын. Папа қайтыс болды дегенде шоковый состояниеде болдым. Кейін 1-жылда сезініп бастадым», - дейді әнші.
Арада қаншама жылдар өтсе де, Жұлдыздың әкеге деген сағынышы басылмай керісінше, арта түскен. Ол әке-шеше қандай болса да, іздеп тұру керектігін айтты.
«Мен мысалы әкем қандай болса да, қазір тек қана тірі болғанын қалайтын едім. Басқа қалада тұрса да, басқа елде тұрса да, басқа әйелмен де тұрса да маған тек қана оның бар болғаны және де осы өмірде сүріп жүргені керек», - деп көзіне жас алды Жұлдыз.
