«Томирис» фильмін кинотеатрлардан көрсеткен алғашқы күні-ақ халық қазақша нұсқасын сұрап шулап еді. Бүгін режиссер Ақан Сатаев өзінің Instagram желісінде халықтан кешірім сұрап, қазақша нұсқасы жарық көретінін айтты, деп хабарлайды OINET.KZ сайты.
«Достар, бүгіннен бастап, "Томирис" фильміміздің толық қазақша нұсқасын біздің "Меломан" дистрибьютор компаниямыз кинотеатрларға тарата бастады. Киномыздың қазақша нұсқасын күтіп қалғандарыңыз үшін, шын жүрегімізден кешірім сұраймыз!», деп жазады Ақан Сатаев.
