23 тамызда «Әрекет» әлеуметтік кәсіпкерлік жобасына қатысу үшін қазақстандық коммерциялық емес ұйымдардан өтініштер қабылдау басталады.
Жобаның басты мақсаты – коммерциялық емес ұйымдар арасында әлеуметтік кәсіпкерлік мәдениетін дамыту, оларды бизнес жүргізу дағдыларына үйрету және әлеуметтік мәселелерді кәсіпкерлік тәсіл арқылы шешу.
Жобаның бірінші кезеңі 2021 жылдың 23 тамызынан 17 қыркүйегіне дейін жалғасады. Бірінші кезеңде жобаға қатысуға тілек білдірушілердің өтінімдері жиналады және конкурс шарттарына сәйкестігіне іріктеу жүргізіледі. Қатысуға елдегі әлеуметтік кәсіпкерлікті дамытқысы келетін барлық КЕҰ шақырылады.
