Түлкібас: жаңа көпір пайдалануға берілді

Screenshot_1.jpg

Балықты ауылдық округіне қарасты Абай ауылының батыс қақпасынан жаңа көпір пайдалануға берілді. Ашылу рәсіміне аудан әкімі Нұрлан Байғұт пен аудандық мәслихат хатшысы Сәдуақас Сейсенбаев қатысты. Ауыл қарияларынан бата алып, көпірдің лентасын қиды. Алғашқы көліктерді жүргізіп, көпірдің сапалылғына көз жеткізді. Бұл көпір жергілікті тұрғындар арасында «тақта көпір» деп аталып кеткен. Себебі, кезінде бір іздік қана көпір болған. Ең әуелі ауыл тұрғындарының қолынан ағаштан жасалған көпір Кеңес үкіметі кезінде жөндеуден өткен. Алайда, уақыт өте келе ескірген. Ауыл таулы аймақта орналасқандықтан, қысы суық, боранды келеді. Сондай сәттерде ауылға келетін көліктерге аса қиындық туғызатын көпірге бір ғана көлік сиятын. Қазіргі таңда жаңа көпірден екі көлік кедергісіз өте береді. 

Screenshot_2.jpg

«Су тіршілік көзі болса, көпір ел мен елді жалғайтын өткел. Жаңадан пайдалануға беріліп отырған көпірден тек жақсы жаңалыққа жол ашылсын. Заманауи жаңа үлгіде салынған көпір ауыл тұрғындарының игілігіне жұмсалсын. Тұрғындар атынан облыстық автомобиль жолдары басқармасы мен мердігер мекемеге қысқа мерзімде көпір құрылысын аяқтағаны үшін алғысымды білдіремін. Айта кетейін, толықтай жөндеу көрген көпірдің ені 12 метр, ұзындығы 24 метр. Енді бұрынғыдай көлікпен қатынаған кезде қиындық көрмейтін боласыздар»,- деп аудан басшысы өз тілегін жеткізді. 

Еліміздің Тәуелсіздігінің 30 жылдығы қарсаңында ауылға баса назар аударылуда. Бұл игі іс те ауыл тұрғындарының қуанышына айналып отыр. Алдағы уақытта ауданымыздың басқа ауылдарында осындай түйткілді мәселелер өз шешімін таба бермек. 

Түлкібас ауданы әкімдігінің баспасөз қызметі

#құтмекен 

#Түлкібас_Түркістан


Жарнама орны (6)

Мүмкін сізді қызықтыратын тақырыптар:

  • Елде болса, ерінге тиеді
  • Жұмыспен қамту көрсеткіші жақсарды
  • Үшінші мегаполис зиялылары Ел тәуелсіздігінің 30 жылдығына арналған жиын өткізді
  • Әрекет» әлеуметтік кәсіпкерлік жобасына өтінімдер қабылданады
  • 23 августа стартует прием заявок на участие в конкурсе грантов «Әрекет»