Елімізде
мектепті 1999 жылы бітірген түлектер өздерінің 20 жылдық кездесулері
қарсаңында ізгілікті істерді қолға алып, көмекке мұқтаж отбасыларға
тұрғын үй әперіп, қуанышқа бөлеп жатқанын көріп жүрміз. Соның бірі –
Түркістан облысы, Бәйдібек ауданы, Шақпақ ауылындағы көпбалалы
Өмірзақова Ақбаланың отбасы баспаналы болды.
Пәтерден пәтерге көшіп,
жалдамалы үйде 4 баланы асырап, өмір сүріп келе жатқан отбасыға
сыныптастары – 1999 жылы мектепті бітірген 20 жылдық түлектер Шақпақ
ауылынан 3 бөлмелі пәтер кілтін тарту етіп, қуанышқа кенелтті. Сонымен
қатар өздерінің көпбалалы сыныптас Өмірзақова Ақбаланың үйіне көрімдік
ретінде тұрғын үйге қажетті тұрмыстық жиһаздар (кілем, ыдыс- аяқтар)
алып беріп, азық-түлікпен қамтамасыз етіп, көмек көрсетті.
Баспаналы
болған Ақбала сыныптастарына алғысын білдіріп, ризашылығын жеткізді.
Айта кетерлік жайт, Өмірзақова Ақбаланың жолдасы ерте қайтыс болған.
Төрт ұл-қызы бар. Үлкені 8 сыныпта, кішісі дайындықта оқиды.
Жалпы
Бәйдібек ауданында туған жерді түлетуге атсалысып, қайырымдылық жасап
жатқан азаматтар жетерлік. Осындай қайырымдылық шаралар тоқтап қалмай
жалғасын табуда.
