Білімін жетілдірген 20 жас өз кәсібін ашады

Бәйдібек ауданында жұмыс іздеген әрбір жасқа мемлекет тарапынан түрлі бағдарламалар мен қолдаулар жасалған. Нәтижелі жұмыспен қамту бағдарламасы аясында жұмыссыз жастарды кәсіпкерлікке оқыту арқылы олардың өз кәсібін ашуға қолдау білдірілуде.
– «Атамекен» Ұлттық кәсіпкерлер палатасының бастамасымен өңірлердегі қаржылық сауаттылықты арттыру, жаңа бизнес көздерін ашу, халықтың әл-ауқатын жақсарту мақсатында «Бастау Бизнес» жобасы кәсіпкерліктің негіздері бойынша тегін оқытатын семинарларды өткізуге ұйытқы болып, бұл жоба бойынша «Нәтижелі жұмыспен қамту және жаппай кәсіпкерлікті дамытудың» 2017-2021 жылдарға арналған мемлекеттік бағдарламасы аясында ауданымызда 20-ға жуық жастарымыз өз білімін алып, кәсібін ашуға бет бұрды, – дейді аудандық «Жастар ресурстық орталығының» басшысы Асыл Абжалов.
Жұмыссыз жастардың жазғы уақыттағы демалысын тиімді пайдалану мақсатында құрылған «Жасыл Ел» еңбек жасағының мақсаты – аудандағы көгалдандыру жұмыстарына үлес қосу. Биыл 150-ге жуық аудан жастары осы бағдарлама аясында уақытын тиімді өткізуде.