Ірі қалалар ішінде алтын бұйымдар бәрінен де астаналықтарға қымбатқа түскен. Онда алтынның бағасы 0,6% қымбаттап, грамы 23,7 мың теңгеге саудаланған. Ал Атырауда күміс бұйымдардың грамы 2,1 мың теңгеге дейін жеткен.
Қазақстан Зергерлер лигасының төрағасы Қайсар Жұмағалиевтің айтуынша, отандық зергерлердің қазіргі жағдайы мәз емес. Өткен жылдан бері бағалы металды сатып алу кезінде ҚҚС төлеу міндеттелген, сондықтан алтынмен жұмыс істейтін шеберлер отандық зауыттарға баруды қойған, есесіне алтынды көлеңкелі нарықтан алып жатыр.
Лига төрағасының сөзіне сүйенсек, онсызда қиын кезеңді басынан өткеріп отырған отандық зергерлік саланың келешегі бұлыңғыр. Оның үстіне еліміздегі алтын нарығының 90%-ы импорт өнімдер иеленіп отыр екен.
