Шымкент әкімі әуежайға баратын жол құрылысын қыркүйекте аяқтауды тапсырды

Шымкентте әуежайға баратын жолдың құрылысы жүріп жатыр. Қала басшысы Мұрат Әйтенов халықаралық әуежай аумағында салынып жатқан жаңа жолаушылар терминалына баратын жол құрылысын көріп шықты, деп хабарлайды облыс әкімінің баспасөз қызметі.

1cc920130c94202cf555bd010d8b8989.jpeg

Жалпы ұзындығы 2,287 шақырымды құрайтын жол құрылысының бүгінде инфрақұрылымдық жұмыстары жүргізіліп жатыр. Мәселен, суағар каналмен қиылысқан жерінде су өткізгіш құрылысы мен темір-бетонды құбырдың құрылыс-монтаж жұмыстары және жолмен қиылысатын газ, су құбырының кабельдерін қорғау, жер астына ауыстыру жұмыстары атқарылуда.

Жолдың сапасына баса мән беруді тапсырған қала басшысы кемшіліктерді алдын ала анықтап, жою керектігін ескертті. Сонымен қатар, әкім жолдың көлік өтетін бөлігін қыркүйек айына дейін аяқтауды міндеттеді.

Айта етейік, халықаралық әуежай аумағында жаңа жолаушылар терминалының құрылысы жүргізілуде.

Ондағы жол құрылысы және инженерлік желілерді қайта құру, әуежай алдындағы автотұрақты және вокзал алды алаңының құрылысы мен абаттандыру жұмыстары қоса жүргізіліп жатыр. Құрылыс жұмыстарын 2020 жылдың соңына қарай аяқтау көзделіп отыр, – делінген баспасөз мәліметінде.

Жарнама орны (6)

Мүмкін сізді қызықтыратын тақырыптар:

  • Жалғыз әлем, жалғыз жүрек, жалғыз үй
  • Биыл 270 млн адам азық-түлік тапшылығын сезінеді – Тоқаев
  • Шымкентте аптасына үш күн азық-түлік жәрмеңкесі өтеді
  • Шағын және орта кәсіпорындардан 8 айда 222,1 млрд теңгелік өнім
  • Шымкентте діни конфессия өкілдері арасында спартакиада басталды