Шымкент қаласы осыдан 3 жыл бұрын халқының саны миллионға жетіп, еліміздің үшінші мегаполисі статусына ие болған еді. Жылдан жылға демографиялық өсім байқалатын шаһарда білім нысандарына деген сұраныс артып отыр. Дегенмен алдағы уақытта қалада мектеп тапшылығы болмайды.
«Nur Otan» партиясының Төрағасы Н.Назарбаевтың тапсырмасына орай, бас партияның Шымкент қалалық филиалы өкілдері басқарма басшысы Жанат Тажиеваның «Өзгерістер жолы: Әр азаматқа лайықты өмір!» атты Шымкент қаласы бойынша сайлауалды бағдарламасын іске асыру мақсатында дайындалған Жол картасындағы көрсеткіштердің орындалуы бойынша баяндамасын тыңдады.
Жиынға «Nur Otan» партиясы қалалық филиалы төрағасының орынбасары Бекайдар Төлегенов пен қалалық мәслихат депутаттары және мектеп директорлары қатысты. Ж.Арысбекқызы бес жылда үш ауысымды мектептер мәселесі шешімін тауып, жаңадан 72 мектептің ел игілігіне берілетінін атап өтті. Сонымен бірге, басқарма тарапынан мұғалімдердің біліктіліктерін арттыруға да басымдық беріліп отыр. Бұл ретте басқарма басшысы жоғары және бірінші санаттағы мұғалімдер үлесін 30 пайызға арттыру мақсатында жүйелі жұмыстардың жүргізіліп отырғанын жеткізді.
Қазіргі таңда оқушылардың қауіпсіздігі де басты назарда. Алдағы уақытта басқарма тарапынан мектептерді адамның келбетін танитын турникеттермен 100 пайыз қамту үшін тиісті жұмыстар атқарылып жатыр.
Жиында алдағы уақыттарда да Ж.Тажиева Жол картасы бойынша басқармаға тиісті бағыттардың барлығы өз деңгейінде сапалы әрі уақытылы орындалатынын мәлімдеді.
