Караван жаңалықтары - https://kaz.caravan.kz/zhangalyqtar/
25 жастағы әйел мен екі 7 жасар қыз табиғат апатының құрбандарына айналды.
Бұл туралы BAQ.kz хабарлайды.
DW деректеріне сүйенсек, 28 желтоқсанда Аустриямен шекаралас жатқан Италияның Альпі тауларынан қар көшкіні жүріп, салдарынан 3 адам көз жұмды.
Табиғат апаты 25 жастағы әйел мен екі 7 жастағы қыздың өмірін жалмады. Қыздардың бірі қаза болған әйелдің баласы болған. Барлығы - Германия азаматтары.
28 желтоқсан күні күндіз Валь Сеналес (Шнальсталь) тау-шаңғы курортында шаңғышылар тобы қар көшкінінің астында қалып қойған. Құтқару операциясына 3 тікұшақ пен 70 құтқарушы жұмылдырылды, - делінген хабарламада.
Зардап шеккен әйел мен 7 жасар қыз оқиға орнында қаза тапты. Ал әйелдің қызы алған жарақаттарынан ауруханада қаза тапты.
Қар көшкіні салдарынан тағы екі неміс жарақат алды, оның біреуі - 11 жасар бала. Олардың барлығы бір туристік топта болған.
Құтқарушылар әлі де іздестіру жұмыстарын жүргізуде. Себебі, апат болған сәтте күннің қараңғылығына байланысты қар көшкінінің астында әлі де адамдар бар-жоғын нақтылау мүмкін болмады.
Караван жаңалықтары - https://kaz.caravan.kz/zhangalyqtar/
