Тоқаев Үндістан президентіне көңіл айтты

Мемлекет басшысы Қасым-Жомарт Тоқаев Үндістан президенті Рам Нат Ковиндке көңіл айту жеделхатын жолдады, деп хабарлайды Ақорда баспасөз қызметі.

image.png

Қазақстан Президенті Махараштра штатында болған су тасқыны мен лай көшкіні салдарынан көптеген адамның қаза тапқаны және үйлер мен ғимараттардың қирағаны туралы суыт хабарды терең күйзеліспен қабылдады.

- Қазақстан халқының және жеке өзімнің атымнан қаза болған адамдардың отбасыларына көңіл айтамын және зардап шеккендердің тезірек сауығып кетуіне тілектестік білдіремін. Із-түзсіз жоғалған отандастарыңыз өз отбасыларына аман-есен оралсын. Осындай қиын-қыстау шақта біз Үндістан халқымен біргеміз, - делінген жеделхатта.

Кейінгі 48 сағат ішінде Үндістан батысындағы Махараштра штатында толассыз жауған жаңбыр салдарынан 136 адам көшкін құрбаны болды. 4 мыңнан аса адам эвакуацияланды, шамамен 2 мың адам уақытша лагерьлерге орналастырылды. 55 тұрғын жоғалып кетті, 70-і жарақат алды. Бірнеше адам әлі де үйінді астында, қазір іздеу жұмыстары жүріп жатыр.

Жарнама орны (6)

Мүмкін сізді қызықтыратын тақырыптар:

  • Сайлауға деген белсенділік жоғары
  • Түркістан: Мақтаарал, Жетісай аудандарында ағын су мәселесі шешімін табуда
  • Түркістан облысында ауыл әкімдерінің сайлауы басталды
  • Ауыл тұрғындары өз таңдауын жасауда!
  • Тоқаев Үндістан президентіне көңіл айтты