Мемлекеттің қолдауын балалардың пайдасына асырды

Screenshot_7.jpg

«Еңбек» мемлекеттік бағдарламасымен елге  пайдалы іс бастап, табыс тауып отырған азаматтар жетерлік. Солардың бірі  Шымкент қаласының тұрғыны Сана Мамырова аталмыш бағдарламаның ІІ-бағыты бойынша қайтарымсыз мемлекеттік грантқа қол жеткізген. 

Ол өткен жылы жұмыспен қамту орталығында жұмыссыз ретінде тіркеліп, маусым айында 21 күндік «Бастау бизнес» оқу курсын оқып, сертификат алған. Кейіннен қайтарымсыз грантқа «Логопед-дефектология кабинетін» ашу бойынша комиссияға бизнес-жоспарын ұсынып, өтінім білдірген. 

Нәтижесінде Сананың жобасы мақұлданып, қыркүйек айында 200 АЕК көлемінде грант ұтып алды. Сол қаржыға Темірлан тас жолы бойында орналасқан «Jak-med» медициналық орталықтың ішінен логопедиялық кабинет ашты.  Сана Ердәулетқызы медицина академиясын тәмамдаған дефектолог-логопед. Сонымен қатар, Ресейдегі Екатеринбург қаласында мемлекеттік медициналық университетте «микрополяризация әдісі» бойынша білім алған жас маман. Былтырдан бері қаладағы дефектологиялық кемшіліктері бар балаларға логопедиялық сабақ үйретуде. Кәсібін одан әрі дамыту мақсатында өзінің әлеуметтік желідегі парақшасында айына бір рет арнайы конкурс ұйымдастырып, жеңімпазға микрополяризация курсын, логопедиялық сабағын тегін ұсынып жүр.

Жалпы, аталған мемлекеттік бағдарлама шеңберінде өткен жылы Шымкент қаласында 7 722 адам жаппай кәсіпкерлікті дамыту шарасына қатысты. Оның ішінде 74 адам шағын несие алса, 4828 адам қайтарымсыз мемлекеттік грантқа қол жеткізді. Ал, «Бастау бизнес» жобасы аясында 2820 адам қосымша білім алды.


Жарнама орны (6)

Мүмкін сізді қызықтыратын тақырыптар:

  • Азық-түлік бағасын назарда
  • Мүгедек жандар жарысады
  • «TEN QOGAM» тең мүмкіндік беруде
  • Энергия үнемдегіш шамдар орнатылуда.
  • Полицейлер түнгі уақытта жүрген 90 жасөспірімді анықтады