Ташкентте Өзбекстан мен Қазақстанның бірлескен туристік кеңсесі жұмысын бастады

d127e40b6cf49294f84e5f587b05080e.jpg

Аталған орталық Түркістан облысы мен Шымкент қалалық туризм басқармасының қолдауымен ашылып отыр. Кеңседе туристік өнімдер бір ортақ брендпен біріктіріледі. Алдағы уақытта екі елдің туристік операторларының қатысуымен қос аймаққа шетелдік туристерді тарту жұмыстары жүргізілетін болады.


Шымкент қаласы туризмінің басқарма басшысы Тұрар Ахметов туристік бағыт екі елдің қай өңірлеріне арналып жасалғанын атап өтті.

«Бүгінде Ұлы Жібек жолының ежелгі қалалары – Самарқанд, Хиуа, Бұхара, Ташкент, Шымкент, Түркістан және Таразға апаратын «Heritage of Uzbekistan and Kazakhstan» атты алғашқы туристік бағыт әзірленді. Бұл бастама Орталық Азияға арналған шенген визасын алудың баламасы», - дейді Тұрар Ахметов.

Сонымен қатар, оның сөзінше,  «Ұлы Жібек Жолының» бірыңғай визасын жоспарлы түрде жүзеге асыру аясында көршілес екі елдің туристік әлеуетін дамытуға жақсы қолдау болмақ.


Айта кетейік, туристік ақпараттық орталық Өзбекстанда Қазақстан жылының салтанатты ашылуына орай өткізілген іс-шара аясында іске қосылды.



Жарнама орны (6)

Мүмкін сізді қызықтыратын тақырыптар:

  • Ташкентте Өзбекстан мен Қазақстанның бірлескен туристік кеңсесі жұмысын бастады
  • Алматыда ер адам граната жарылысынан зардап шекті
  • Павлодарда XI республикалық пән олимпиадасы өтті
  • Сөз зергерлері сынға түсті
  • Павлодарда ХІ пәндік олимпиада өтуде