Соңғы кездері Шымкентте туризмді дамыту мақсатында ауыз толтырып айтарлықтай шарулара атқарылуда. Туризмді дамыту бағдаламасы аясында шаһарда көптеген жаңашылдықтар орын алуда. Жақында үшінші мегаполисте тағы бір тың жоба қолға алынды. Енді қалаға келген туристерді есепке алу, туристік ағынды талдау және көші-қонді бақылау оңтайландырылды. Мамандар «eQonaq» бірыңғай ақпараттық жүйесінің таныстырылымын өткізді.
Іс-шараға «Kazakh Tourism» Ұлттық Компаниясы АҚ өкілдері мен «Visit Shymkent» туристік ақпараттық орталығы, сондай-ақ қонақ үй иелері және сала мамандары қатысты.
Айта кету керек, «еQonaq»бірыңғай ақпараттық жүйесі тәжірибелік пайдалануға 2020 жылдың IV тоқсанында енгізілді. Бүгінде аталған жүйе негізінде Нұр-Сұлтан, Алматы, Ақмола және Солтүстік Қазақстан облыстарындағы 576 орналастыру орны, атап айтсақ, қонақ үйлер, хостелдер, демалыс үйлерінде 29077 турист тіркелген.
Шымкентте аталған ақпараттық жүйеге 65 қонақ үй енгізіліп, тәжірибеде қолданылып келеді. Сондай-ақ, аталған жүйе шілде айында Тараз, Қызылорда, Түркістан қонақ үйлеріне де енгізілмек. Жыл соңына дейін еліміздің басқа да туристік аймақтары толықтай қамтылып, «eQonaq» жүйесіне тіркелген қонақ үйлер санын 700-ге жеткізу жоспарланып отыр.
Ал жүйені дамыту аясында Kazakh Tourism ұлттық компаниясы әзірлеуші ретінде «Ashyq» жүйесімен интеграциялауды қолға алмақ.
