Түркістан қаласында еліміздегі ең үлкен алхоры бағы егіле бастады. Бұл туралы Түркістан облысының Өңірлік коммуникациялар қызметі хабарлады.
Халықаралық әуежайға барар жолдың бойындағы бақтың жалпы аумағы 400 гектар. Онда 3-5 жылда өнім беретін алхорының «Black Splendor», «Black Diamond» және «Angeleno» сұрыптары отырғызылуда. Бақша өнім берудің толық мерзіміне жеткенде әрбір гектардан 20 тонна алхоры береді деген жоспар бар.
Жобаның иесі, кәсіпкер Болатбек Әлиев израильдік озық технологиямен егіліп жатқан баққа мол сенім артып отырғанын айтты.
«Басқа жеміс отырғызбай алхоры егуіміздің бірнеше себебі бар. Жемістің бұл түрі базар нарқында сирек кездеседі және бағасы да жоғары. Сондай-ақ, көшеттің бұл сорттары Түркістан қаласының климатына шыдамды. Әдеттегідей тамшылатып суару жүйесі енгізілгендіктен су айтарлықтай үнемделетін болады. Осы мүмкіндіктерді пайдалана отырып, тұтынушылардың сұранысын қамтамасыз етуді өзімізге басты мақсат етіп алдық», – дейді Б.Нәжметдинұлы.
Айтап кетері, Түркістанда сондай-ақ, 28 гектар алқапты алып жатқан Түркістан қалалық дендросаябағының негізі қаланып жатыр. Мұнда 12 мың сан түрлі жеміс ағаштары мен көпжылдық өсімдік түрледі өсіріледі. Бүгінге дейін 10 мыңнан астам көшеттер егілген. Саябақта сондай-ақ, жасанды көл болады.
