Кентауда жалғыз басты ана мал бордақылаумен айналысады

7.jpg

Кентау қаласы Жүйнек ауылдық округінің тұрғыны Қаһарова Ұғылпатша бес жылдан бері жылқы бағып, бордақылаумен айналысып келеді. Шаруа ана ең алдымен өз қаржысына 6 жылқы алып кәсібін бастаған. Тынымсыз еңбек пен төгілген тердің арқасында бүгінде жеті қазынаның бірі болып саналатын жылқы малының санын 40-қа дейін көбейткен. Қазіргі таңда бір жылқыдан 250-340 кг аралығына дейін ет алады.

Негізінен кәсіпкер жылқыны Қостанай облысынан алдыртады. Ет бағытындағы асыл тұқымды жылқылар болғандықтан ерекше күтімді қажет етеді. Сол себепті шаруа күніне жылқыны күтіп баптауға 7-8 сағатын арнайды.

Ұғылтпаш ананың балалары да отбасылық кәсіптен алшақ емес. Аналарына қолғабыс болып, ата кәсіптің қыр-сырын меңгеріп жүрген жайы бар. Тіпті, Ұғылтпаша ананың үлкен ұлы ветеринар мамандығын оқып, әр жануардың денсаулығына айрықша күтім жасаудың үлгісін қолдануда.

Жылқы малына сұраныс өте көп дейді еңбекқор ана. Бордақыланған жылқы етін жергілікті тұрғындар алып келеді. Жалғыз басты ананың алдына қойған мақсаты көп.  Оның бірі қораларын ұлғайтып, жылқы санын жүзге жеткізу болса, енді бірі қымыз өндіруді қолға алу болып отыр.

Жарнама орны (6)

Мүмкін сізді қызықтыратын тақырыптар:

  • Шаян көркейіп келеді
  • Түйе шаруашылығы жандануда
  • Түркістанда «Ұлы жібек жолы – ұлы мұра» халықаралық форумы өтті
  • Қаржыландырылған жобалар саны бойынша Түркістан облысы көш бастап тұр
  • Отырар ауданында 50 МВт күн электр станциясының құрылысы басталды