«Ұлы ақын» Балтабек Елбасы Назарбаевтың қайтадан Президент болып келуін сұрады

Елімізде Абайдан кейінгі "ұлы ақын" ретінде танылып жүрген Балтабек Нұрғалиев Елбасы - Нұрсұлтан Назарбаевқа тағы да отты жырын арнады.

a1dd224244dd91fcc63332f01e1e4489.png

Ақын бұл жолы Назарбаевтың қайта Президент болып келуін сұрады. Бұл туралы ол Facebook парақшасында жазды.

Қазақстан Республикасының Тұңғыш Президенті – Елбасымызға – Нұрсұлтан Әбішұлы Назарбаевқа! 

Еліңізге көп жақсылық еттіңіз,

Нұр-бағымыз – Елбасымыз – Тектіміз! 

Президенттік орныңызды босатып,

Бізді тастап қайда ғана кеттіңіз? 

Уа, Нұр-Сұлтан Әбішұлы – НҰР-АЙБЫН,

Сіз кеткенде, мен ерекше мұңайдым.

Тастап кеткен орныңызға оралып,

Президент боп келсеңіз деп сұраймын.

Сенген жандар аяң басып, сылбырап,

Болашақ күн тұр алдыда бұлдырап.

Алға баспай, артқа қарай шегініп,

Ел қуаты бара жатыр құлдырап!

Сіз кеттіңіз – жұт жайлады – құт тайды,

Деп айтпаңыз: "Халқым соны ұқпайды?".

Сіз келсеңіз – ел өрлейді қайтадан,

Бұл сөзімді Ұлы Дала құптайды.

Оралыңыз, орныңызға қайтыңыз, 

Мәселенің жөнін бізге айтыңыз.

Бір өтініш өлеңменен жазылды,

Қабыл болсын мерекеңіз – Айтыңыз! - деп жазды ақын.

Еске сала кетейік, Нұрсұлтан Назарбаев 2019 жылы наурыз айында биліктен өз еркімен бас тартқан болатын. Оның орнына Қасым-Жомарт Тоқаев Президент болып сайланды.

Жарнама орны (6)

Мүмкін сізді қызықтыратын тақырыптар:

  • «Ұлы ақын» Балтабек Елбасы Назарбаевтың қайтадан Президент болып келуін сұрады
  • Бүгін Тоқаев коронавирусқа қарсы күрес бойынша кеңес өткізеді
  • Назарбаев Каддафидың 20 млрд доллар бермекші болғанын айтты
  • Түлкібастық әжелер түрленген Түркістанды аралады
  • Тоқаев еліміздегі эпидахуал жөнінде кеңес өткізеді