Қолөнершілер салт-дәстүрді жаңғыртты

Screenshot_48.jpg

Ел президенті Қ.Тоқаев биылғы Наурыз мерекесін 10 күн бойы ерекше форматта атап өтіп, жоспардың іс-шаралары ұлттық мәдениетті ілгерілетуге, салт-дәстүрді жандандыруға арналуын тапсырған болатын. 

    Осы орайда  Шымкенттегі көрме орталығында «Әл-Фараби» атындағы ғылыми-әмбебап кітапханасының ұйымдастыруымен «Наурыз тойы – мерекем, салт-дәстүрім – берекем» атты қолөнершілердің шеберлік сабағы өтті.

Жиынды Әл-Фараби атындағы ғылыми-әмбебап кітапханасы директорының орынбасары Гүлмира Алпысбаева ашып, іс-шараның маңызына тоқталды.

– Ұлттық өнердің жанашырлары, Ұлыстың ұлы күні алдындағы кезекті іс-шарамызға қош келдіңіздер! Биыл Шымкент қаласы әкімінің тікелей қолдауымен наурыз мерекесі ерекше ерте басталды. Мархабат Байғұт ағамыз айтқандай, "нәурізек келсе, наурыз басталды дей беріңіз" деп, біздің кітапхана бұл күнді салт-дәстүрдің бірі және бірегейі болған қолөнерге арнап отыр, – деді Гүлмира Батырбайқызы. 

Аталған іс-шарада ұлттық құндылықтарды дәріптеп жүрген №127 мектебінің ұстазы Ақбөпе Қайсарқызының шәкірттері №59 мектеп оқушыларына шеберлік сабағын өткізді. Сонымен қатар түрлі қолөнер бұйымдарының жасалу жолы мен қыр-сыры түсіндірілді. Жиын соңы тұсаукесер рәсімімен жалғасып, қазақтың тағы бір салт-дәстүрі насихатталды.

Айта кетейік, тұсаукесердің жібі "көбейіп, көгере берсін!" деген ниетпен көк шөптен есіп жасалған. Ал ақ жайма Ақбөпе ұстаздың "бүлдіршін жүректі, білімді болсын, қырандай самғап, күндей жарқырасын!" деген ақ пейілімен тігілген. 


Жарнама орны (6)

Мүмкін сізді қызықтыратын тақырыптар:

  • Азық-түлік бағасын назарда
  • Мүгедек жандар жарысады
  • «TEN QOGAM» тең мүмкіндік беруде
  • Энергия үнемдегіш шамдар орнатылуда.
  • Полицейлер түнгі уақытта жүрген 90 жасөспірімді анықтады