Созақтағы ауылдардың бәрінде ішкі жолдар жөнделеді

2019 жылы автомобиль жолдарын орташа жөндеу жұмыстары Созақ ауданының барлық ауыл округтері мен кенттерінде жүргізіледі. Бұл туралы аудан әкімінің орынбасары Б.Әлмағанбет аудандық мәслихаттың кезекті 45-інші сессиясында хабарлады.
– 2018 жылы аудандағы елді мекендердің 42 шақырымды құрайтын 34 ішкі көшелеріне қиыршық тас төселіп орташа жөндеу жұмыстары, 17 шақырымды құрайтын 10 ішкі көшелеріне асфальттау жұмыстары жүргізілсе, 2019 жылы 42 шақырымды құрайтын аудан елді мекендерінің 48 ішкі көшесіне асфальттау және 1,1 шақырымды құрайтын 1 ішкі көшеге қиыршық тас төсеп орташа жөндеу жұмыстарын жүргізу жоспарланған. Қазіргі таңда 24 көшенің орташа жөндеу жұмыстары жүргізілуде. Қалған 25 көшенің орташа жөндеу жұмыстарына мемлекеттік сатып алу жұмыстары жарияланған. Жеңімпаздар анықталғаннан кейін тиісті жұмыстар жүргізілетін болады. 2019 жылы автомобиль жолдарын орташа жөндеу жұмыстары, ауданның барлық ауыл округтері мен кенттерінде жүргізіледі. Басымдық халық көп қоныстанған аудан орталығы Шолаққорған ауылында. Аудан бойынша 457,8 шақырым елді мекендердің ішкі көшелерінің 167 шақырымы асфальт болса, ағымдағы жылы 209 шақырымға артатын болады, – деді ол.
Жалпы аудан көлемінде 973 шақырым автомобиль жолдары бар. Оның 434,9 шақырымы облыстық маңызы бар жолдар, 79,4 шақырымы аудандық маңызы бар жолдар, 457,8 шақырымы елді мекендердің ішкі жолдары.


Жарнама орны (6)

Мүмкін сізді қызықтыратын тақырыптар:

  • Созақтағы ауылдардың бәрінде ішкі жолдар жөнделеді
  • Созақ ауданында жер асты суларын зерттеу жұмыстары жүргізілуде
  • Депутаттар мен кәсіпкерлер марапатталды
  • Созақ халқы орталықтандырылған құбыр суын тұтынады
  • Созақ ауданын газдандыру жұмыстары жүргізілуде