Тоқаев Шымкент қаласына көбірек инвестиция құюды тапсырды

Қазақстан президенті Қасым-Жомарт Тоқаев Шымкент қаласының әкімі Мұрат Әйтеновті қабылдап, мегаполисті дамыту бойынша бірнеше тапсырма берді.

Әкім Шымкенттің биылғы 9 айындағы әлеуметтік-экономикалық дамуының негізгі көрсеткіштері туралы есеп берді, сондай-ақ қаланың инфрақұрылымының қалыптасуы, бөлшек саудадағы жағдай, жұмыспен қамтудың жол картасы аясында жүзеге асырылып жатқан жобалар туралы хабардар етті.

Мұрат Әйтеновтің айтуынша, 226 жобаны іске асыруға 45,3 миллиард теңге бөлінген, оның 80 пайызы жұмсалған. Қалада коронавирустық пандемияның ықтимал екінші толқынына дайындық бойынша бірқатар шаралар өткізілді.

Президент қалада жүргізіліп жатқан жұмыстарға оң баға бере отырып, инвестиция тарту бойынша жұмысты күшейтуді, қолжетімді көп қабатты тұрғын үйлердің құрылысын жалғастыруды және жаңа жұмыс орындарын құруды тапсырды.

Қазақстанның оңтүстігінде орналасқан Шымкент республикалық маңызы бар қала мәртебесіне ие халық ең қоныстанған елді мекендердің бірі. 2020 жылы Шымкент ТМД-ның мәдени астанасы болып жарияланды.

Мұрат Әйтенов мегаполисті 2020 жылдың 21 қаңтарынан бастап басқарып отыр.

Жарнама орны (6)

Мүмкін сізді қызықтыратын тақырыптар:

  • Назарбаев 100 мың отбасыға 50 мың теңгеден беруді тапсырды
  • Қазақстандағы COVID-19: Өткен тәулікте тағы 94 адам ауру жұқтырды
  • Шымкентте карантин мерзімі ұзартылды
  • Боксшы Жәнібек Әлімханұлы аргентиналық қарсыласын нокаутқа жіберді
  • Қазақстанда бір тәулікте 107 адам коронавирус жұқтырып, 154 адам аурудан айықты