Түркістан кәсіпкерлік саласы кең қанат жайған логистикалық қалаға айналып келеді. Кәсіп етіп, нәпақа айырамын деушілерге еш қолбайлау жоқ. Мемлекеттік қолдаудың шарапатын көргендердің осы себептен де еңбек нарығындағы белсенділігі жоғары. Қалаға келуші қонақтардың саны да қазір біршама артты. Келуші қонақтардың көбеюіне байланысты қонақ үйлердің саны артып, мұндағы жұмыссыздықтың саны азаюына ықпал етіп, қала әлеуметі көтерілді.
Шаттық қонақ үйі Түркістан қаласының Темір жол вокзалында орналасқандықтан, туристер үшін өте ыңғайлы болып табылады. Қонақ үй жанында қала бағыты бойынша жүретін автобус автотұрағы орналасқандықтан, қаланың орталығына жету қиынға соқпайды. Қонақ үй 7 өте жайлы және таза нөмірлер ұсынады.. Бірінші қабатта дәмхана орналасқан. Қонақтар ол жерден әрдайым балғын және тәтті тағамдардан дәм тата алады. Қонақ үйлерінің нөмірлер саны - 7, төсек орын – 16.
Айта кетейік, қонақ үй саласын дамытуда айтарлықтай жетістіктерге жету үшін,осы салада қызмет ететін мамандардың білім сапасын ,қызмет түрін арттыру керек. Сонымен қатар осы саладағы қызметшілердің жұмыс бағдарлары нақты болғаны жөн. Қонақ үй қызметінің саласы-бұл адамдар арасындағы қарым-қатынас,нақты алушы мен сатушы арасындағы байланыс. Яғни, қызмет көрсетушілердің күш жігері демалушыларға арналып, қонқтардың ойын жаулап алу мақсатында ауқымды дәрежеде қызмет көрсету. Туризм саласындағы қызметкерлердің нақты жұмыс барысы, жұмыс уақыты, демалыс уақыты тура белгіленсе, онда бұл салада үлкен жетістіктер, атақ абыройға ие бола алады. Аз ғана уақытқа болса да туристер үшін қонақ ұй-ақылы өз үйі. Ал үй ішінде адам өзін жақсы сезіну, көтеріңкі көілде бол,оны әрқашан көтеріңкі көңілмен күтіп алатындығына, оның барлық түрлерін қанағаттандыратындығына сенімді болуы шарт. Осындай жолмен ғана қонақ үйлерді туристердің екінші үйі ретінде, осы үйге қайта-қайта келу тілегін қалыптастыру керек. Қонақ үйлердің негізгі мақсаты- туристер үшін сапалы қызмет көрсету , оларға барлық жағдайды жасау арқылы қонақ үй өзінің деңгейін әлемдік дәрежеде көрсете алады.
